Ito ay isang non-stock, non-profit na Samahan na pag-aari at pinamamahalaan ng mga aktibong kasapi ng ASKI.

Legal ba ito?

Oo, sapagka’t ito ay nakarehistro  sa Securities and Exchange Commission (SEC) noong  June 21, 2006 at Insurance Commission (IC) noong October 6, 2006.

Ito ang mga ahensiya ng pamahalaan na sumusubaybay sa mga gawain ng MBA’s.

Sino ang maaring maging kasapi ng ASKI MBA?

1. May edad na 18 hanggang 60 taong gulang na aktibong kliyente ng ASKI sa ilalim ng mga programang microfinance (AKP, ILP, FSLP, ASA, Agri, Housing, ComDev atbp.) at iba pang programa ng ASKI.
2. Nagbabayad ng kaukulang bayad-sapi at lingguhang kontribusyon

Mga Aktibong Kliyente:

1. May hiram na puhunan sa ASKI at regular na nagbabayad nito; o kaya ay;
2. May impok sa CBU na hindi bababa sa Php2,000 at patuloy na nag-iimpok dito.

Paano ang mga may idad mahigit 60 na?

Ang mga dating miyembro ng ASKI na mahigit ng 60 taong gulang subalit aktibo pa nang maitatag ang ASKI MBA, ay maaring ipagpatuloy ang kanilang pagiging kasapi sa Samahan hanggang bago sumapit ang kanilang ika-66 na taong gulang.

Sino ang Sakop ng Seguro?

Ang KASAPI at ang mga sumusunod na lehitimong kaanak:

1. Legal na asawa
2. Unang tatlong (3) lehitimong anak , legal na ampon (may legal na papeles ng pag-ampon)
   1. May idad 90 hanggang wala pang 21 taong gulang
   2. Wala pang asawa

Sino ang mga hindi sakop ng Seguro?

1. Pagpapakamatay (suicide); Sinadyang pagpatay (provoked murder) ng dahil sa benepisyo;
2. Sanggol na ipinanganak na patay (fetal death);
3. Hindi nakabayad ng kaukulang kontribusyon sa ASKI MBA matapos ang 31 araw na palugit (grace period); 
4. Mga magulang ng kasapi;
5. Mga anak na wala pang 21 taong gulang subalit may legal ng asawa;
6. Mga legal na anak na 21 taong gulang o mahigit pa;
7. Mga ampon na hindi legal ang pagkaka-ampon (sahod lampin).

Magkano ang benepisyo ng isang kasapi?

Ang isang kasapi ay nakaseguro sa halagang Php120,000 (pagkamatay o pagkabaldado)

Upang mapanatiling mababa ang kontribusyon at mapangalagaan ang pondo ng Samahan, sa loob ng unang taon ng pagiging kasapi (1 year waiting period) o anim (6) na buwan mula sa petsa ng reinstatement (pagiging aktibong muli) ng isang kasapi, ang ASKI MBA ay walang pananagutan, maliban na lamang kung ang sanhi nito ay isang aksidente

Tandaan!

Ang mga bagong kasapi ay sakop ng isang taong paghihintay o waiting period. Subalit ang mga kasapi na mahigit ng isang taong kliyente ng ASKI at dating nakaseguro sa programang micro-insurance nito ay hindi na sakop ng  nasabing waiting period.

Sa loob ng 1 year waiting period...
Ang benepisyong matatanggap ay:

1. DALAWANG LIBONG PISO (Php 2,000) kung bago sumapit ang ikatlong (3) buwan ng pagiging kasapi.
2. LIMANG LIBONG PISO (Php 5,000) kung nangyari mula sa ikatlong (3) buwan hanggang bago sumapit ang isang (1) taon ng pagiging kasapi.

Ano ang aksidente?

Mga halimbawa ng AKSIDENTE

1. Banggaan ng magkasalubong/magkasunod na sasakyan o ng mga naglalakad sa magkabilang direksiyon ng daan
2. Pagkasagasa
3. Pagkadapurak ng isa o mahigit pang hayop (animal stampede)
4. Pag-atake/pagkagat ng hayop  (animal attack) na may dalang lason/venom/rabbies (Hal. aso, ahas, alakdan)
5. Pagkadapurak ng tao sanhi ng stampede
6. Pagkahulog ng tao (di sinasadyang pagbagsak)
7. Maling pagbagsak mula sa pagtalon
8. Pagkadulas
9. Pagkatusok sa isang matulis o matalas na bagay
10. Pagkalunod
11. Pagkakuryente
12. Pagkasunog
13. Tinamaan ng kidlat
14. Tinamaan ng nahulog na bagay o nabagsakan
15. Tinamaan ng ligaw na bala
16. Naputukan o nasabugan nang di sinasadya (paputok, baril, bomba, dinamita)
17. Pagkalason nang di sinasadya
18. Pagkabulunan (choked)

Tandaan: Ang bangungot ay hindi aksidente dahil ito ay sanhi ng sakit sa pale (pancreatitis).

Anu-ano ang mga kailangang dokumento sa pagiging kasapi?

Sa loob ng 30 araw o sa paghahain ng aplikasyon sa pagiging kasapi, kinakailangang maisumite ng isang kasapi ang mga sumusunod na dokumento:

1. Marriage Contract
2. Birth Certificates ng kasapi, asawa at legal na anak na wala pang 21 taong gulang

Magkano ang bayad-sapi (membership fee) at kontribusyon?

1. Membership Fee: Php 300.00. Ito ay isang beses lamang na babayaran ng isang kasapi at hindi maaring isauli (non-refundable) sa pagtiwalag sa ASKI MBA.
2. Php 30.00 lingguhang kontribusyon.

Para saan ang bayad-sapi at kontribusyon?

Ang bayad-sapi at lingguhang kontribusyon ang pagkukunan ng puhunan ng ating MBA.

Lahat ng samahan ay dapat magkaroon ng sariling puhunan upang magampanan nito ang lahat ng pangakong benepisyo

Hanggang kailan magbabayad ng kaukulang kontribusyon?

Ano ang REFUND OF CONTRIBUTION?

Matapos ang tatlong (3) taon na patuloy na pagiging aktibong  kasapi  ng  Samahan,  ang  isang  kasapi  na titiwalag o magre-resign sa Samahan ay makatatanggap ng limampung bahagdan (50%) ng lahat ng kanyang naibigay na kontribusyon sa Life Insurance subalit bawasin ang lahat ng benepisyong nakuha na.

Kailan magsisimula o ganap ang pagiging kasapi?

• Ito ay nagsisimula sa pagbabayad ng unang lingguhang kontribusyon (Php.30.00) at ang aplikasyon sa pagiging kasapi ay pinagtibay ng lupon.
• Kung mapagtibay at maging ganap na ang pagiging kasapi ng isang aplikante, bibigyan siya ng Sertipikong ng Pagiging Kasapi kung saan nakatala ang benepisyo ng isang kasapi at petsa nang magkabisa ito.

Maaari bang isalin o ilipat ang Sertipiko ng Pagiging kasapi?

Hindi kailanman pinahihintulutan ng samahan ang paglilipat ng pagmamay-ari ng Sertipiko ng Pagiging Kasapi.

Kailan nagtatapos ang pagiging miyembro ng ASKI MBA?

• Sa pagkamatay o tatal at permanenteng pagiging baldado (TPD) ng kasapi.
• Pagtiwalag/pag-alis sa ASKI MBA. Sa pagkatapos ng palugit (grace period) at hindi nakapagbayad.
• Paglalabas (withdrawal) ng balanse ng naihulog na kontribusyon (equity value).
• Kung ang isang kasapi ay itiniwalag ng ASKI MBA ng may dahilan.
• Pasapit ng edad 66 ng kasapi.

Paano ang Pagbabayad ng Benepisyo?

Kung wala pang nakatalagang Board of Awards at MBA Coordinator, ang mga kawani ng ASKI MBA ang magsasagawa ng mga pagsusuri at pagbabayad ng mga benepisyo sa tulong ng mga kawani ng sangay ng ASKI. Gamitin lamang ang ASKI MBA Form No. 06A, sa pagbabayad ng benepisyo.

Anu-ano ang obligasyon ng isang kasapi?

• Magbayad ng kontribusyon
• Humikayat ng iba na sumapi sa samahan
• Tangkilikin ang mga produkto ng ASKI at ASKI MBA.
• Magbigay ng mga suhestyon/kumento upang higit na mapaganda ang pagpapatakbo ng samahan.
• Tumulong sa ikagaganda ng pamamahala ng samahan.
• Tumulong at bantayan ang pondo ng samahan sa balaking abusuhin ng ilang miyembro o taga-pamahala nito. (“Police their own ranks”.)